ՄՈՆԹԵ ՄԵԼՔՈՆՅԱՆ (ԱՎՈ), ՄԱՍ 6

Շարունակում ենք ներկայացնել Ավոյի մարտական ընկեր, 

այն օրերին պաշտպանական շրջանի հրամանատարի՝ 

թիկունքի գծով տեղակալ 

ՄԱՎՐԻԿ ՍԱՐԳՍՅԱՆԻ հուշերը Մոնթե Մելքոնյանի մասին:

– Ավո, տուր ինքնաձիգդ մաքրեմ,– մի անգամ նրան դիմեց 14-ամյա Սամվելիկը, որն իր ավագ եղբոր՝ Լյովա Կասյանի ծանր վիրավորվելուց հետո կամավոր ծառայում էր զենքի պահեստում:

– Սամվելի՛կ, հիշի՛ր, ամեն զինվոր ինքը պետք է մաքրի իր զենքը:

Սամվելիկը գլուխը կախեց.

– Ավո ջան, դե ասացի շատ ես զբաղված, ժամանակ չունես:

Ավոն ժպտալով նրան մեկնեց իր զենքը՝ համարելով, որ Սամվելիկին բացառություն կարելի է անել:

***

Տարեց մարդկանցից մեկը, որը ժամանակավորապես աշխատում էր պահեստում, առանց հարցնելու պահեստից մթերք էր վերցրել ու բռնվել պարեկային ծառայության կողմից: Ավոն կարգադրեց նրան նստեցնել երեք օր: Միջամտեցինք` ասելով Ավոյին, որ թող հեռացնի, բայց չնստեցնի, ամոթ է, 70-ն անց մարդ է: Ավոն անդրդվելի էր.

– Նշան չունի, թե քանի տարեկան է, օրենքի առաջ բոլորն ալ պետք է պատասխան տան:

ՄԱՎՐԻԿ ՍԱՐԳՍՅԱՆ

«9-րդ հրաշալիք» շաբաթաթերթ, 2005 թ.

Կարդացե՛ք նաև` 
ՄՈՆԹԵ ՄԵԼՔՈՆՅԱՆ (ԱՎՈ), ՄԱՍ 1
ՄՈՆԹԵ ՄԵԼՔՈՆՅԱՆ (ԱՎՈ), ՄԱՍ 2 
ՄՈՆԹԵ ՄԵԼՔՈՆՅԱՆ (ԱՎՈ), ՄԱՍ 3 
ՄՈՆԹԵ ՄԵԼՔՈՆՅԱՆ (ԱՎՈ), ՄԱՍ 4
ՄՈՆԹԵ ՄԵԼՔՈՆՅԱՆ (ԱՎՈ), ՄԱՍ 5

ՄՈՆԹԵ ՄԵԼՔՈՆՅԱՆ (ԱՎՈ), ՄԱՍ 7
ՄՈՆԹԵ ՄԵԼՔՈՆՅԱՆ (ԱՎՈ), ՄԱՍ 8