ԳԻՆԵՍԻ ՌԵԿՈՐԴՆԵՐ

ԵՐԿԱԹՈՒՂԻՆԵՐ

Երկաթուղով տեղափոխվող բեռի քաշը սահմանափակված է շարժակազմի հնարավորություններով:

Ամենամեծ բեռնամբարձությամբ ռելսային փոխադրանին գերմանական «Կրուպպ» ընկերության կողմից ամերիկյան երկաթուղիների համար 1981 թ. թողարկված 336-տոննանոց «Շնաբել»-ն է: Նա ունի 36 սռնի, 92 մ երկարություն և կարող է տեղափոխել 807 տ բեռ:

Երկաթուղով երբևէ տեղափոխված ամենածանր բեռը դարձել է Չեխիայի Մոստ քաղաքի` 1548 թ. կառուցված Կույս Մարիամ եկեղեցին: 1975 թ. 10700 տ քաշով այդ եկեղեցին ստիպված էին տեղափոխել, քանի որ նա հայտնվել էր ածխահանույթի շրջանում: Եկեղեցին ավելի քան 4 շաբաթում 2 մ/ժ արագությամբ տեղափոխվեց 730 մ:

Ամենաերկար և ամենածանր գնացքը կազմվել է ՀԱՀ-ում և բաղկացած էր 560 վագոնից` ձգվելով 7,302 կմ: Այն շարժման մեջ է դրվել 9 հատ 50-կիլովատտանոց էլեկտրաքարշի և 7 հատ դիզել-էլեկտրական լոկոմոտիվի միջոցով և անցել 861 կմ ճանապարհ: Շարժակազմի ընդհանուր քաշը 69393 տոննա էր: