вторник, 10 января 2012 г.

ԽՆԴՈՒԿՆԵՐ



Մեր մեծահարուստներից մեկը գնում է Նյու Յորք: Շրջում է զանազան խանութներով, վերջապես մտնում է հնաոճ իրերի խանութ: Բազմապիսի իրերի մեջ նկատում է մի բրոնզե փիսիկ: Հավանում է, որոշում է կնոջ համար գնել: Նայում է պիտակին. «Փիսիկ՝ 50 դոլար, փիսիկի պատմություն` 5000 դոլար»: Դիմում է վաճառողին.

Չհասկացա, սա ի՞նչ է նշանակում:
Ինչպես գրված է, այնպես էլ կա: Փիսիկը կարող եք գնել 50 դոլարով, բայց նրա յուրահատկությունը հասկանալու համար պետք է վճարեք 5000:
Տո՛ւր միայն փիսիկը:
Լավ, ինչպես ցանկանում եք, բայց նկատի ունեցեք, որ շուտով կվերադառնաք պատմության հետևից: Շատերն են այդպես վարվել:
Պետք չի ինձ քո պատմությունը:
Վերցնում է փիսիկն ու դուրս գալիս:
Որոշ ժամանակ անց փողոցում մլավոց է լսում: Շրջվում է՝ հետևից մի կատու է գալիս: Շարունակում է ճանապարհը: Քիչ անց միանում է ևս մեկ կատու, հետո էլի մեկը և շուտով քաղաքի բոլոր կատուները սկսում են գալ նրա հետևից: Մեծահարուստը, գլուխը կորցնելով, սկսում է վազել և հայտնվում է գետափին: «Լավ, է, սրա հերն էլ անիծած»,– մտածում է նա ու բրոնզե փիսիկը նետում ջուրը: Հետևից նետվում են բոլոր հետապնդող կատուները և խեղդվում:
Վազելով վերադառնում է խանութ: Նրան տեսնելով` վաճառողն ասում է.
Գիտեի, չէ, որ հետ կգաք: Դե, տվեք 5000 դոլարը պատմության համար:
Քո պատմությունը քեզ պահիր: Ավելի լավ է ասա, քեզ մոտ չկա՞ նույնպիսի հարկային տեսուչ:

Երբ հայ ժողովրդի համբերության բաժակը լցվում է, նրան անմիջապես նորն են մատուցում:

Ռաբինովիչը Նյու Յորքում մտնում է հրեական ռեստորան: Նրան սպասարկում է մի չինացի, որը խոսում է գերազանց եբրայերենով: Ռաբինովիչը մտնում է ռեստորանի տիրոջ մոտ.
Ասացեք, որտեղի՞ց եք գտել իվրիտ իմացող չինացու:
Սսսս,– տերը նայում է շուրջը:– Նա կարծում է, թե դա անգլերեն է:

 Զոքանչը տան մոտ փորձում է հեծանիվ նստել: Փեսան` լուսամուտից.
Մա՛մ, էս ո՞ւր եք գնում:
Գերեզմանատուն:
Բա հեծանիվն ո՞վ պիտի հետ բերի:

Վատ նշան է, հանկարծակի վերադառնալով գործուղումից և զանգահարելով լավագույն ընկերոջ բջջային հեռախոսին, զանգի ձայնը լսել մահճակալի տակից:

Комментариев нет:

Отправить комментарий